世盃I組次輪，法國火併伊拉克。「高盧雞」隊長基利安麥巴比首輪省兩粒，今場撞正實力平平嘅亞洲球隊伊拉克，絕對係繼續刷數據好時候，3.5球大盤咪錯過。（Now 618及616周二清晨5時直播）文:法達斯維
伊拉克比賽尾段易潰敗
法國今屆首輪對塞內加爾贏3比1，起孖嘅「麥總」唔單止以58球，超越基奧特榮升法國隊史上士哥王，依家佢喺世盃決賽周15場累積14個入波，只落後榜首嘅美斯同德國名宿高路斯2球，只要27歲嘅「麥總」只要keep住效率，世盃史上士哥王指日可待。何況佢身邊嘅米高奧利斯、卓基、巴高拿均弗爆，唔愁冇供應，難怪近8仗6次開4球或以上。
伊拉克首輪對挪威採取逼搶，去到末段體力不繼慘敗1比4，呢支亞洲兵近7仗只1仗冇失波，難擋法國狂轟，3.5球入球大可取。